सावंतवाडी दि१५ मार्च
सावंतवाडी-वेंगुर्ला नगरपरिषद आणि दोडामार्ग नगरपंचायत क्षेत्रात रस्ते, डांबरीकरण, उद्याने आदी विविध नागरी सेवा सुविधांसाठी शासनाने तब्बल २० कोटींचा निधी मंजूर केला असून सावंतवाडी नगरपरिषदेसाठी ९ कोटी ७५ लक्ष, वेंगुर्ला नगरपरिषदेसाठी ७ कोटी ७५ लक्ष व दोडामार्गसाठी २ कोटी ३० लक्ष निधी वितरीत होत आहे. शालेय शिक्षणमंत्री ना. दिपक केसरकर यानी जनतेच्या मागणीची दखल घेत मुख्यमंत्री ना .एकनाथ शिंदे यांचे मार्फत हा निधी मंजूर करुन घेतला आहे.
शासनाने यावर्षी नगर विकास विभागाला ५०० कोटीचा निधी उपलब्ध करुन दिला असून त्याद्वारे नगरपरिषद हा विकास निधी देण्यात येत आहे. सावंतवाडी विधानसभा मतदार संघातील सावंतवाडी, वेंगुर्ला, दोडामार्ग या नगरपरिषदांना २० कोटी निधी देण्याचा शासन आदेश १३ मार्च ला जारी करण्यात आला आहे.
सावंतवाडी नगरपरिषदेअंतर्गत सुमारे दीड कोटीचे मटण मार्केट, एक कोटीचे म्युझियम, बहुद्देशिय इमारती, ओपन जिम, जिमखाना येथे सिंथेटिक लॉन, टेनिस कोर्ट, उपरल स्मशानभुमिचे नुतनीकरण, आत्मेश्वर तळींचा विकास, भटवाडी पुलांचे मजबुतीकरण बोअरवेल, उद्यानात लहान मुलांसाठी खेळणी, आणि विविध विकास कामांचा समावेश आहे.
वेंगुर्ल्यासाठी सुमारे ८ कोटी
वेंगुर्ला नगरपरिषदअंतर्गत रस्ते सुविधा आदी कामांसाठी सुमारे ८ कोटींची तरतूद असून वेंगुर्ला मांडवी भागात पर्यटनदृष्टया फ्लोटिंग रिसॉर्ट अंतर्गत कामासाठी ५ कोटी खर्च करण्यात येणार आहेत.शहरातील पायवाटांचे सिमेंटीकरण रस्त्याचे डांबरीकरण स्ट्रीट लाईट, संरक्षक कठड्यांचे बांधकाम आदी कामे अंतर्भुत आहेत.
दोडामार्ग जलशुद्धीकरण केंद्र
दोडामार्ग नगरपरिषदेसाठी २ कोटी ३० लाखाची तरतूद असून कसई दोडामार्ग हद्दीतील नळ योजनेअंतर्गत जलशुद्धीकरण प्रक्रिया केंद्र उभारणीसाठी १ कोटी ७० लाखाची तरतूद आहे. तर साठवण टाकीसाठी ६० लाख निधी देण्यात आला आहे.तिनही शहरातील महत्त्वाची मंजूर विकास कामे पुढील प्रमाणे आहेत.
सावंतवाडी नगरपरिषदेच्या मालकीच्या आ.क्र. ६६ जुना फिश व मटण मार्केटसाठी आरक्षित जागेत मटण मार्केट चे बांधकाम करणे (भाग-२) ता. सावंतवाडी रक्कम रु. १४७.०० लक्ष,सावंतवाडी नगरपरिषदेच्या मालकीच्या निर्माण भवन बाजूच्या जागेत म्युझियम चे बांधकाम करणे पहिल्या टप्प्यामध्ये तळमजल्यावर पार्किंग साठी सुविधा करणे रक्कम रु. ९६.०० लक्ष, सावंतवाडी नगरपरिषद हद्दीतील दर्पण सोसायटीमागील नाल्याचा उर्वरीत भाग स्लॅब घालून बंदिस्त करणे ता. सावंतवाडी रक्कम रु. ४०.०० लक्ष,सावंतवाडी नगरपरिषद हद्दीतील सबनीसवाडा सुवर्ण कॉलनी उद्यानमध्ये बहुद्देशिय बांधकाम व विविध विकास कामे करणे ता. सावंतवाडी रक्कम रु. ३०लक्ष,
सुवर्ण कॉलनी बिरोडकर टेंब येथील न.प. च्या मालकीच्या खुल्या जागेत बहुद्देशिय इमारत बांधकाम करणे ता. सावंतवाडी रक्कम रु. ३० लक्ष, आ.क्र. ५६ खेळाचे मैदान या आरक्षणाचा विकास करणे नरेंद्र डोंगर होळीचा खुंट येथे ओपन जिम व इतर सुविधा निर्माण करणे ता. सावंतवाडी रक्कम रु. ५० लक्ष सावंतवाडी नगरपरिषदेच्या मालकीच्या सालईवाडा टेलिफोन भवन समोरील जागेत बहुद्देशिय इमारत बांधणे ता. सावंतवाडी रक्कम रु. १५० लक्ष, सावंतवाडी नगरपरिषदेच्या जिमखाना मैदान येथे सिंथेटिक लॉन टेनिस कोर्ट तयार करणे ता. सावंतवाडी रक्कम रु. ६० लक्ष, सावंतवाडी नगरपरिषदेची उपरल स्मशानभूमी येथे विविध विकास कामे करणे ता. सावंतवाडी रक्कम रु. ६० लक्ष, सावंतवाडी नगरपरिषदेच्या स्पोर्ट कॉम्लेक्स चे दुसऱ्या मजल्यावर बहुद्देशिय हॉल साठी बांधकाम करणे ता. सावंतवाडी रक्कम रु. ५० लक्ष,सावंतवाडी नगरपरिषद हद्दीतील बापूसाहेब पुतळा ते राणी पार्वतीदेवी हायस्कूल ते शिवराम राजे पुतळयापर्यंत मोती तलावालगतच्या फुटपाथची दर्जावाढ करणे ता. सावंतवाडी रक्कम रु. ६० लक्ष मंजूर करण्यात आले आहेत.
सावंतवाडी नगरपरिषद हद्दीतील आत्मेश्वर तळी परिसर अंतर्ग विविध विकास कामे करणे ता. सावंतवाडी रक्कम रु. ५० लक्ष, खासकीलवाडा खिश्चन सिमेंट्री दर्जावाढ करणे ता. सावंतवाडी रक्कम रु. २० लक्ष , सबनिसवाडा ओम गणेश बिल्डींग शेजारील गार्डनमध्ये लहान मुलांसाठी खेळणी बसवून इतर अनुषंगिक कामे करणे ता. सावंतवाडी रक्कम रु. १०लक्ष, सावंतवाडी नगरपरिषद हद्दीतील दत्त नगर येथील खुल्या जागेत गार्डन विकसीत करणे ता. सावंतवाडी रक्कम रु. १५लक्ष तसेच रस्ते इतर सुविधांसाठी मिळून एकूण ९.७५ कोटी, वेंगुर्ला नगरपरिषद हद्दीतील मांडवी भागात पर्यटनदृष्टया फ्लोटिंग रिसॉर्ट अंतर्गत विविध विकास कामे करणे ता. वेंगुर्ला रक्कम रु. ५०० लक्ष तसेच रस्ते इतर रस्ते, गटारे व इतर सुविधांसाठी मिळून एकूण ७.९५ कोटी, कसई – दोडामार्ग नगरपंचायत हद्दीतील मुख्य नळ योजनेअंतर्गत जलशुद्धीकरण प्रक्रिया केंद्र उभारणे ता. दोडामार्ग रक्कम रु. १७० लक्ष, कसई – दोडामार्ग नगरपंचायत हद्दीतील नळ योजनेअंतर्गत नवीन साठवण टाकीचे (GSR) बांधकाम करणे ता. दोडामार्ग रक्कम रु. ६० लक्ष तसेच रस्ते इतर रस्ते, गटारे व इतर सुविधांसाठी मिळून एकूण २.३० कोटी मंजूर करण्यात आले आहेत.
सावंतवाडी विधान सभा मतदार संघात विकास कामाची घोडदौड वेगाने सुरु असून या २० कोटींच्या कामांमुळे तिनही शहरातील नागरिकांनी चांगल्या सुविधा प्राप्त होणार आहेत. या मतदारसंघाचे कार्यसम्राट आमदार तथा मंत्री ना. दिपक केसरकर यांनी शेकडो कोटींचा निधी मतदार संघाच्या विकासासाठी आणला आहे. त्याबद्दल त्यांचे अभिनंदन होत असून धन्यवाद देण्यात येत आहे. अशी माहीती विधानसभा संपर्क प्रमुख श्री. प्रेमानंद देसाई, जिल्हा प्रमुख अशोक दळवी, सावंतवाडी शहरप्रमुख – श्री. खेमराज उर्फ बाबू कुडतरकर महिला शहरप्रमुख सौ. भारती मोरे, वेंगुर्ला शहरप्रमुख – श्री. उमेश बाबुराव येरम महिला शहरप्रमुख सौ. श्रद्धा बाविसकर, दोडामार्ग शहरप्रमुख श्री. योगेश सुरेश महाले, महिला शहरप्रमुख सौ. शितल हरमलकर यांनी दिली आहे.