केंद्रीय मंत्री नारायण राणे, पालकमंत्री रवींद्र चव्हाण, आमदार नितेश राणे यांच्या माध्यमातून निधी
कणकवली दि .१६ मार्च(भगवान लोके)
कलमठ गावातील विकास प्रक्रियेला आता खऱ्या अर्थाने सुरुवात झाली आहे. गावात विविध विकासकामे होत आहेत. कलमठ बिडयेवाडी पुलासाठी ८ कोटी तर पर्यटन विकास योजनेतून कलेश्वर मंदिर येथील उद्यानासाठी १ कोटींचा निधी मंजूर झाला आहे,अशी माहिती कलमठ सरपंच संदीप
मेस्त्री यांनी दिली.
याबाबत त्यांनी प्रसिद्धीस दिलेल्या पत्रकात म्हटले आहे की, केंद्रीय लघु,सूक्ष्म व मध्यम उद्योग मंत्री नारायण राणे, पालकमंत्री रवींद्र चव्हाण, आमदार नितेश राणे यांनी निधी उपलब्ध करून दिल्याबद्दल कलमठ ग्रामस्थांच्या वतीने मी आणि उपसरपंच स्वप्नील चिंदरकर यांनी त्यांचे आभार मानले.
पंचायत समितीचे माजी उपसभापती मिलिंद मेस्त्री यांनी पुल व उद्यानासाठी पाठपुरावा केला होता.कलमठ गावातील रुही कॉलनी रस्ता ७२ लक्ष, बीडयेवाडी रस्ता ४० लक्ष, बाजारपेठ रस्ता ५० लक्ष, गजानन महाराज मंदिर ते बाजारपेठ १५ लक्ष, गावडेवाडी स्मशान शेड ५ लक्ष, लांजेवाडी शांतादुर्गानगर रस्ता १५ लक्ष, कुंभारवाडी गणेश मंदिर सभामंडप ५ लक्ष, गावडेवाडी सभामंडप ५ लक्ष, बाजारपेठ शाळा रस्ता १० लक्ष, लांजेवाडी स्मशानभूमी रस्ता वा कंपाऊंड १६ लक्ष, बँक कॉलोनी रस्ता ७ लक्ष, बँक कॉलोनी सभामंडप ५ लक्ष,दळवी कॉलनी रस्ता ५ लक्ष, सुतारवाडी रस्ता ७ लक्ष, कुंभारवाडी रस्ता ५ लक्ष, नाडकर्णीनगर रस्ता १० लक्ष, बौद्धवाडी ओपन जिम ८ लक्ष, गोसावीवाडी स्मशान भूमी बैठक व्यवस्था ५ लक्ष, गावडेवाडी ओम् गणेश कॉलनी ५ लक्ष व इतर विकास कामांसाठी विविध योजनेतून निधी मंजूर झाला असून त्याची निविदा प्रक्रिया देखील झाली आहे. येत्या काही दिवसात गावातील सर्व मंजूर विकासकामे पूर्ण होणार आहेत.
गावातील शाळा, अंगणवाड्या, स्वच्छ पाणी, महिलांसाठी सॅनेटरी पॅड व्यवस्था अशी अनेक विकासात्मक काम करत असताना गावातील रस्ते रुंदीकरणसाठी आम्ही प्रयत्नशील आहोत. कलमठ ग्रामपंचायत कार्यालय आयएसओ झाले असून सर्व सहकाऱ्यांच्या व ग्रामस्थांच्या साथीने ते शक्य झाले असल्याचे संदिप मेस्त्री यांनी प्रसिद्धी पत्रकात म्हटले आहे.
