देवगड,दि.१५ जानेवारी
देवगड येथील शेठ म.ग .हायस्कूलच्या चार विद्यार्थ्यांना ग्लोबल फाउंडेशन, पिंगुळी या संस्थेमार्फत दिली जाणारी शिष्यवृत्ती प्राप्त झालेली आहे.
ग्लोबल फाउंडेशन या संस्थेमार्फत शाळेतील गरीब व होतकरू विद्यार्थ्यांना दरवर्षी ज्ञानज्योत शिष्यवृत्ती दिली जाते. यावर्षी हायस्कूल मधील कु. स्वरा दीपक कदम इयत्ता सातवी, ऋतिका शैलेंद्र कणेरकर इयत्ता सहावी, अनुष्का अश्विन चाळके व सानिका रोहिदास नार्वेकर इयत्ता नववी या विद्यार्थिनींना सदर शिष्यवृत्तीची प्रत्येकी रुपये ३६०० प्राप्त झालेली आहे.
यासाठी संस्थेचे अध्यक्ष प्रसाद परब यांचे व त्यांच्या सहकाऱ्यांचे विशेष सहकार्य लाभले. याबद्दल शाळेचे मुख्याध्यापक महादेव घोलराखे यांनी तसेच संस्थाचालक, शिक्षक व शिक्षकेतर कर्मचारी व पालक वर्गाने ग्लोबल फाउंडेशन या संस्थेचे विशेष आभार मानले आहेत. सदर विद्यार्थ्यांना शिष्यवृत्ती मिळण्यासाठी शाळेतील शिक्षक प्रवीण खडपकर व आफरीन पठाण यांनी विशेष मेहनत घेतली.
