वेंगुर्ला,दि.२९ जानेवारी
‘मुख्यमंत्री माझी शाळा, सुंदर शाळा‘ या अभियानांतर्गत शाळांमधून वेगवेगळे उपक्रम राबविण्यात येत आहेत. आजचे विद्यार्थी हे देशाचे भावी नागरिक आहेत. त्यांना गुणवत्तापूर्ण शिक्षणासोबतच आरोग्य विषयक चांगल्या सवयी लागाव्यात, निरोगी व सदृढ भावी नागरीक घडावेत या उद्देशाने परुळे येथील अण्णासाहेब देसाई विद्यामंदिर येथे आरोग्य विषयक मार्गदर्शन शिबिर घेण्यात आले.
डॉ. तेजस्विनी देसाई यांनी विद्यार्थीनींना मासिक पाळी, संतुलित आहार याविषयी सविस्तर मार्गदर्शन केले. याप्रसंगी विकासनी स्माईल फाऊंडेशन या स्वयंसेवी संस्थेमार्फत विद्यार्थीनींना सॅनिटरी नॅपकिनचे वाटप करण्यात आले. या संस्थेच्या संस्थापक विशाखा सामंत यांनीही विद्यार्थीनींना मार्गदर्शन केले. या कार्यक्रमास शैक्षणिक संस्थेचे अध्यक्ष अविनाश देसाई, संस्थेचे सीईओ अमेय देसाई, मंगेश सामंत, प्रभाकर सामंत, अॅड.अभयकुमार देसाई, ओंकार देसाई, मुख्याध्यापक सचिन माने, सर्व शिक्षिका आणि सर्व विद्यार्थनी उपस्थित होत्या.
