बांदा,दि. १६ डिसेंबर
बांदा येथिल प्रसिद्ध श्री बांदेश्वर भुमिका देवस्थानच्या वार्षिक जत्रोत्सवानिमित्त रविवारी सकाळ पासुनच दर्शनासाठी भाविकांची अलोट गर्दी होती. प्रतिवर्षाप्रमाणे या जत्रोत्सवानिमित्त विविध धार्मिक कार्यक्रमांचे आयोजन करण्यात आले होते.
सकाळी श्री बांदेश्वर श्री भुमिका मंदिरात पुजा अर्चा होऊन दर्शन, श्री भुमिका माऊली ओटी भरणे,नवस बोलणे,नवस फेडणे कार्यक्रमास आरंभ झाला.
दर्शनासाठी तसेच ओट्या भरण्यासाठी भाविकांच्या मोठ्या रांगा लागल्या होत्या.मंदिरांवर नेत्रदिपक रोषणाई तसेच फुलांची आकर्षक सजावट करण्यात आली होती. मंदिर परिसर जत्रेच्या दुकानांनी तसेच भाविकांच्या गर्दीने फुलुन गेला होता.
रात्रौ श्रींचा मंदिराभोवती सवाद्य पालखी प्रदक्षिणा सोहळा, वार्षिक नित्य पुराण वाचन सांगता आणि त्यानंतर खानोलकर दशावतार मंडळाच्या पौराणिक नाट्य प्रयोगाचे आयोजन करण्यात होते.
या जत्रोत्सवापासून श्री बांदेश्वरच्या दर सोमवारी होणाऱ्या पालखी सोहळ्याचा आरंभ झाला आहे.
