वेंगुर्ला,दि.१८ डिसेंबर
दरवर्षीप्रमाणे यंदाही नगर वाचनालय वेंगुर्ला या संस्थेतर्फे श्रीकृष्ण सखाराम सौदागर स्मृती सिधुदुर्ग जिल्हास्तरीय आदर्श ग्रंथालय कर्मचारी पुरस्कार देण्यात येणार आहे. शाल, श्रीफळ, स्मृतिचिन्ह, सन्मानपत्र आणि ५ हजार रूपये असे या पुरस्काराचे स्वरूप आहे.
संस्थेचे कार्याध्यक्ष अनिल सौदागर यांनी आपल्या वडिलांच्या स्मृतिप्रित्यर्थ संस्थेकडे १ लाख रूपये कायम निधी ठेवला आहे. त्यातून हा पुरस्कार दिला जात आहे. यंदाचे हे चौथे वर्ष आहे. तरी सार्वजनिक ग्रंथालय क्षेत्रात काम करणा-या कर्मचा-यांनी पुरस्कारासाठी आपले नाव, ग्रंथालयाचे नाव व इतर माहितीसह प्रस्ताव संस्थेकडे कार्यालयीन वेळेत २४ डिसेंबरपर्यंत पाठवावेत असे आवाहन केले आहे.
