कार्यकाळ वाढविण्यासाठी प्रयत्न करण्याची मागणी
आचरा, दि. २५ डिसेंबर (अर्जुन बापर्डेकर)
मुख्यमंत्री युवा कार्य प्रशिक्षण योजनेअंतर्गत सिंधुदुर्ग जिल्ह्यातील सर्व शासकीय आस्थापनांवर रुजू असलेल्या प्रशिक्षणार्थिंचा कार्यकाळ आणि विद्यावेतनामध्ये वाढ करण्याबाबत मुख्यमंत्री यांचे लक्ष वेधण्यासाठी युवा कौशल्य प्रशिक्षणार्थी सिंधुदुर्ग च्या वतीने शिवसेना जिल्हाप्रमुख दत्ता सामंत यांना बुधवारी निवेदन देण्यात आले या निवेदनात राज्य पातळीवर सुरू असलेल्या मुख्यमंत्री युवा कार्य प्रशिक्षण योजनेच्या प्रशिक्षण व विद्या वेतन लाभांबद्दल आम्ही आभारी आहोत. सर्व प्रशिक्षणार्थी ग्रामीण व शहरी भागात ऑगस्ट 2024 व सप्टेंबर 2024 पासून रुजू झाले आहेत या अंतर्गत आम्हाला कामाचे प्रशिक्षण व अनुभव दोन्ही मिळत आहे व आम्ही जिद्दीने ते काम करत आहोत परंतु आता जानेवारी 2025 व फेब्रुवारी 2025 मध्ये या योजनेचा कालावधी संपत असून आम्हाला आमच्या पुढील भविष्याची चिंता वाटत आहे अशा परिस्थितीत योजनेचा सहा महिने हा कालावधी संपल्यानंतर आम्हाला कायमस्वरूपी अथवा कंत्राटी पद्धतीने आमची भरती व्हावी आणि आम्हाला बेरोजगार होण्यापासून वाचून रोजगाराची पुन्हा संधी द्यावी अशा मागण्यांचे मुख्यमंत्र्यांना आम्ही निवेदन देत आहोत यासाठी शिवसेना जिल्हाप्रमुख दत्ता सामंत यांनी मुख्यमंत्र्यांकडे शिफारस करावी अशी विनंती युवा कौशल्य प्रशिक्षणार्थी संघटना सिंधुदुर्ग यांच्यावतीने दत्ता सावंत यांच्याकडे निवेदनाद्वारे करण्यात आली. यावेळी युवासेना जिल्हा संपर्कप्रमुख मंदार लुडबे ,माजी नगरसेवक दीपक पाटकर योगेश भिसळे, गणेश तोंडवळकर युवा कौशल्य प्रशिक्षणार्थी संघटनेचे अनिकेत अजय तावडे, निकिता अमोल मयेकर, आदित्य पेडणेकर मंदार पाटील, तनवी वस्त, प्राजक्ता वीर, वैष्णवी पाटकर साक्षी बांदिवडेकर सूर्यकांत कवटकर, भूषण परब, वैभवी काळसेकर ,लतिका मोरे, भाग्यश्री लब्दे रेणुका सावंत दिव्या आचरेकर आदी उपस्थित होते
