सावंतवाडी दि.७ फेब्रुवारी
कलंबिस्त ग्राम पंचायत व कलंबिस्त पंचक्रोशी दुग्ध व्यावसायिक सहकारी संस्था मर्यादित कलंबिस्त व जिल्हा रुग्णालययांच्या संयुक्त विद्यमाने येत्या शनिवार दि.१० फेब्रुवारीला सकाळी नऊ ते दुपारी दोन या वेळेत कलंबिस्त हायस्कूलमध्ये महाआरोग्य शिबिर आयोजित करण्यात आले आहे.
या महाआरोग्य शिबिरामध्ये जिल्हा रुग्णालयातील डॉक्टर उपस्थित राहणार आहेत या शिबिरामध्ये नेत्रचिकित्सक सर्जन स्त्रीरोग बालरोग तज्ञ आधी तज्ञ डॉक्टर येऊन तपासणी करणार आहेत तसेच आयुष्यमान कार्ड हे काढले जाणार आहे या महाआरोग्य शिबिरामध्ये सर्व रुग्णांची मोफत तपासणी तसेच औषधोपचार ही दिले जाणार आहेत. तसेच रुग्णांसाठी वेगवेगळ्या विभाग तपासणीसाठी असणार आहे लहान मुलांपासून वृद्धांपर्यंत सर्वांची तपासणी केली जाणार आहे हिमोग्लोबिन रक्त तपासणी आदी सर्व तपासण्याही केल्या जाणार आहेत गंभीर आजार असलेल्या रुग्णांना अधिक उपचारासाठी जिल्हा रुग्णालयात उपचारासाठी दाखलाही करण्याची व्यवस्था केली जाणार आहे या पंचक्रोशीत असे पहिल्यांदाच महाआरोग्य शिबिर घेण्यात येत आहे जवळपास आठ तज्ञ डॉक्टर नर्सेस आदी जिल्हा रुग्णालयाचा स्टाफ असणार आहे.
जिल्हा रुग्णालयाचे डॉ. दिगंबर करंबळेकर व सर्जन डॉ. श्याम राणे, नेत्र चिकित्सा चेतन कोरे केतन कदम स्वाती रावले संदीप मोहाड संगीता कोरे संतोष देसाई तृप्ती जाधव नेहा पडते श्रद्धा सावंत प्रियंका राऊत प्रशांत जाधव दशरथ गोसावी आधी या शिबिरात उपस्थित राहून तपासणी करणार आहेत. कलंबिस्त गावातील व आजूबाजूच्या गावातील लोकांनी सकाळी नऊ वाजता उपस्थित रहावे या आरोग्य शिबिराचे उद्घाटन सकाळी नऊ ते दहा या वेळेत होणार आहे
या उद्घाटनासाठी वैद्यकीय क्षेत्रातील तज्ञ तसेच कलंबिस्त संस्थेचे पदाधिकारी गावातील प्रमुख ग्रामस्थ आजी-माजी सैनिक संघटनेचे पदाधिकारी आदी उपस्थित राहणार आहेत तरी सर्वांनी या महाआरोग्य शिबिराचा लाभ घ्यावा असे आवाहन सरपंच सपना सावंत, उपसरपंच सुरेश पास्ते व दुग्ध संस्थेचे चेअरमन अँड संतोष सावंत व सचिव रमेश सावंत आदींनी केले आहे
