सावंतवाडी,दि.१३ फेब्रुवारी
आंबोली वनक्षेत्रातील नांगरतास येथील वन जमिनीत हत्ती गवत रोपवन कामात लाखो रुपयांचा भ्रष्टाचार झाल्याचा आरोप करत निगुडे येथील माहिती अधिकार कार्यकर्ते महेश सावंत यांनी सावंतवाडीत वन विभागाच्या कार्यालयासमोर मंगळवार पासून उपोषण सुरु केलं आहे.
या कामातील भ्रष्टाचाराच्या चौकशीची मागणी त्यांनी केली असून, या मागणीसाठी हे उपोषण सुरु असल्याच त्यांनी सांगितले तसेच याबाबत आपण अनेक वेळा कागद पत्राची मागणी करून ही ती कागद पत्रे दिली जात नाही असा आरोप सावंत यांनी केला आहे.
महेश सावंत यांनी वनपरिक्षेत्र कार्यालयाला दिलेल्या निवेदनात म्हटले आहे की, आंबोली वनक्षेत्रातील नांगरतास येथील वन सर्व्हे नंबर २६४, २८५ मध्ये लाखो रुपयांचा भ्रष्ट्राचार झाला आहे.खोटे मंजूर दाखवून हे पैसे काढण्यात आले असून ज्या मंजुराची यादी त्या प्रमाणे पैसेच देण्यात आले नाहीत याबाबत वेळो वेळी आम्ही कागद पत्राची मागणी करून ही ती देण्यात आली नाहीत असा आरोप ही सावंत यांच्या कडून करण्यात आला आहे.
या सर्व प्रकारांबाबत चौकशी करण्यात यावी. तसेच माहिती अधिकारात माहिती देण्यास टाळाटाळ. खोटे दस्तऐवज तयार करून शासनाचा लाखो रुपयांचा अपहार. बनावट रोपे खरेदी दाखवून दिशाभूल या सारखे प्रकार घडल्याने वरिष्ठ पातळीवर चौकशी समिती नेमली जावी अशी मागणी सुध्दा करण्यात आली आहे.
दरम्यान या उपोषणावर उशिरापर्यंत तोडगा काढण्यात आला नव्हता सावंत हे सावंतवाडी वनविभाग कार्यालयासमोर बसून होते.
