देवगड ,दि.१८ फेब्रुवारी
जामसंडे सन्मित्र मंडळ, जामसंडे यांच्या वतीने जिल्हास्तरीय निमंत्रित पुरुष व महिला खुलागट कबड्डी स्पर्धा,
जिल्हास्तरीय निमंत्रित कॅरम स्पर्धां क्रीडा महोत्सवाचे आयोजन दि.२० ते २३ फेब्रुवारी २०२४ या कालावधीत करण्यात आले आहे .
जामसंडे सन्मित्र मंडळ, जामसंडेच्या वतीने गेली १६ वर्षे भव्य स्वरुपात निमंत्रित राज्यस्तरीय पुरुष व
महिला खुला गट व जिल्हास्तरीय पुरुष खुलागट कबड्डी स्पर्धेचे आयोजन करीत आहे. गेली ५ वर्षे कबड्डी स्पर्धे
बरोबर जिल्हास्तरीय कुस्ती, कॅरम, बुद्धीबळ व डॉजबॉल स्पर्धेचे आयोजन करणेत आले होते.
यावर्षी मंडळाने दि. २० ते २३ फेब्रुवारी २०२४ या कालावधीत क्रिडा महोत्सव आयोजीत केला आहे.
यामध्ये जिल्हास्तर पुरुष व महिला ( निमंत्रीत ) खुलागट कबड्डी स्पर्धा, जिल्हास्तर कॅरम (निमंत्रीत) स्पर्धा या
खेळांचा समावेश आहे.
यामध्ये जिल्हास्तर कॅरम स्पर्धा (निमंत्रित) दि. २० ते २१ फेब्रुवारी २०२४ रोजी आणि जिल्हास्तर
पुरुष व महिला (निमंत्रीत ) खुलागट कबड्डी स्पर्धा, २२ ते २३ फेब्रुवारी २०२४ या कालावधीत पार पडतील
स्पर्धा आयोजनासाठी मंडळाला सिंधुदुर्ग कबड्डी फेडरेशन व देवगड तालुका कबड्डी असोससिएशन,
सिंधुदुर्ग जिल्हा कॅरम असोसिएशन देवगड तालुका कॅरम असोसिएशन यांचे मोलाचे सहकार्य लाभणार आहे.
मंडळाने गेली १६ वर्षे स्थानिक गट, व्यावसाईक गट व महाराष्ट्र शासनाच्या छत्रपती शिवाजी चषक
(शिवशाही), कुमार गट अशा विविध पातळीवरील कबड्डी स्पर्धांचे उत्कृष्ट आयोजन केले आहे. यासाठी
मंडळाला महाराष्ट्र राज्य कबड्डी असोसिएशनचा उत्कृष्ठ स्पर्धा आयोजनाचा पुरस्कारही मिळाला आहे.
कबड्डी स्पर्धा दिवस-रात्र प्रकाशझोतात होणार असून यासाठी २ मैदाने करणेत येणार आहेत. तसेच
प्रेक्षक गॅलरी, मान्यवर गॅलरी, भव्य व्यासपिठ उभारणेत येणार आहे.
कॅरम स्पर्धेचा उद्घाघाटन सोहळा दि. २० फेब्रु २०२४ रोजी सकाळी १० वाजता. संपन्न होणार
आहे. तर कबड्डी स्पर्धेचा शुभारंभ दि.२२ फेब्रु रोजी सायं.६.वा होणार आहे. दि.२३ फेब्रुवारी रोजी मंडळाचे
प्रमुख सल्लागार व आधारस्थंभ माजी आम. अजित गोगटे यांचा जन्मदिन सोहळा मोठ्या दिमाखात
साजरा करणेत येणार आहे. क्रीडा महोत्सवाच्या उदघाटन व समारोप प्रसंगी विविध मान्यवरांची उपस्थिती
लाभणार आहे.
सदर कबड्डी स्पर्धा विद्या विकास मंडळाच्या कै. इंदिराबाई ठाकुर क्रीडा नगरीत होणार आहेत. तर
कॅरम स्पर्धा कै. मोरेश्वर जनार्दन गोगटे सांस्कृतीक भवन मध्ये होणार आहे.
या क्रीडा महोत्सवासाठी जिल्ह्याचे पालकमंत्री.ना. रविंद्रजी चव्हाण यांच आमदार
नितेश राणे आणि आम. विजय तथा भाई गिरकर, आम. निरंजन डावखरे, माजी आमदार प्रमोदजी जठार,
आम. प्रसाद लाड यांचे मोलाचे सहकार्य लाभले आहे. .
