मालवण,दि.१४ जून
मुंबईतील प्रसिद्ध लालबागचा राजा सार्वजनिक गणेशोत्सव मंडळाच्या श्री गणेश मूर्तीसाठी ‘गणेश मुहूर्त ‘पूजन आज सकाळी मंडळाचे अध्यक्ष बाळासाहेब सुदाम कांबळे यांच्या हस्ते करण्यात आले. लालबागच्या राजाचे मूर्तिकार कांबळी आर्ट्स यांच्या कार्यशाळेत हे पूजन संपन्न झाला.
लालबागच्या राजाचा गणेशोत्सव सोहळा गणेशचतुर्थी बुधवार दि. २७ ऑगस्ट ते अनंतचतुर्दशी शनिवार दि.६ सप्टेंबर या कालावधीत साजरा होणार आहे. यावर्षी या मंडळाच्या उत्सवाचे ९२ वे वर्ष आहे. यानिमित्त लालबागच्या राजाची मूर्ती घडविण्यासाठी गणेश मुहूर्त पूजन करण्यात आले. या प्रसंगी मंडळाचे खजिनदार मंगेश दत्ताराम दळवी यांच्या शुभहस्ते लालबागचा राजा सार्वजनिक गणेशोत्सव मंडळाच्या पावती पुस्तकांचेही पूजन करण्यात आले. यावेळी मंडळाचे पदाधिकारी, कार्यकर्ते व गणेश भक्त उपस्थित होते.
