सावंतवाडी दि.२० फेब्रुवारी
माध्यमिक व उच्च माध्यमिक परीक्षा मंडळ पुणे यांच्यातर्फे घेण्यात येणाऱ्या बारावीच्या
परीक्षेकरिता बैठकव्यवस्था राणी पार्वती देवी हायस्कूल व ज्युनियर कॉलेज सावंतवाडी या केंद्रावर करण्यात आली आहे.
चालू वर्षी गैरमार्ग रोखण्याकरिता परीक्षेपूर्वी सर्व विद्यार्थ्यांची चाचपणी केली जाईल त्यामुळे सर्व परीक्षार्थींनी परीक्षेपूर्वी किमान अर्धा तास अगोदर परीक्षा केंद्रावर उपस्थित राहणे गरजेचे आहे.सकाळच्या सत्रात १०.३० नंतर व दुपारच्या सत्रात २.३० नंतर येणार्‍या परीक्षार्थीना प्रवेश दिला जाणार नाही.
तसेच सर्व परीक्षार्थींना दहा मिनिटे अतिरिक्त वेळ वाढवून देण्यात आलेला आहे.
राणी पार्वती देवी हायस्कूल व जुनियर कॉलेज या केंद्रावर विज्ञान शाखा WO07485 ते WOO7795 वाणिज्य शाखा WO23653 ते WO24000 कला शाखा WO14813 ते WO15040 एमसीव्हीसी शाखा WO26242 ते WO26781 अशी बैठक व्यवस्था करण्यात आली आहे.
या केंद्रावर एकूण ९२१ विद्यार्थ्यांची व्यवस्था केली आहे.
परीक्षार्थीनी वेळेत उपस्थित राहावे व सहकार्य करावे असे आवाहन विद्यार्थी पालक शिक्षक यांना केंद्रप्रमुख डॉ. सुमेधा नाईक यांनी केले आहे.
