सावंतवाडी,दि.२० फेब्रुवारी
प्रवीण भोसले यांचा आज अमृत महोत्सवी वाढदिवस साजरा होत आहे त्यांनी आमदार किंवा मंत्री नसतानाही जनकल्याणाचे कार्य सुरू ठेवले आहे त्यांच्या जीवनाच्या वाटचालीत त्यांनी जनसेवा हेच कर्तव्य बजावले त्यांचे काका आझाद हिंद सेनेचे जनरल सरचिटणीस व माजी केंद्रीय मंत्री जगन्नाथराव भोसले आणि वडील माजी आमदार कै प्रतापराव भोसले यांनी केलेले देशसेवेचे अतुलनीय कार्य भोसले कुटुंबीयांनी पुढे सुरू ठेवले असल्याबद्दल अभिमान वाटतो असे सावंतवाडी संस्थानचे श्रीमंत खेमसावंत भोसले यांनी शुभेच्छा देताना मत व्यक्त केले.
माजी मंत्री प्रविण भोसले यांच्या अमृतमहोत्सवी वर्षानिमित्त सावंतवाडीतील आरपीडी हायस्कूलच्या हाॅलमध्ये आयोजित कार्यक्रमात ते बोलत होते. यावेळी माजी केंद्रीय मंत्री अँड रमाकांत खलप, श्रीमंत खेमसावंत भोसले,जिल्हा बँक अध्यक्ष मनिष दळवी, राष्ट्रवादी जिल्हाध्यक्ष अमित सामंत, कोकण विभागीय महिला अध्यक्षा अर्चना घारे-परब, खासदार विनायक राऊत, आमदार वैभव नाईक, संदेश पारकर, ईशाद शेख, बबन साळगावकर रविंद्र भोसले, विकास सावंत, सुभाष गोवेकर, व्हिक्टर डॉन्टस, बाबल ठाकूर पुंडलिक दळवी, ॲड.दिलीप नार्वेकर,एस आर सावंत,भगवान देसाई, संजय पडते, रूपेश राऊळ, प्रमोद कामत आदी उपस्थित होते.
यावेळी अमृत महोत्सवी वाढदिवसाच्या शुभेच्छा स्वीकारल्यानंतर माजी राज्यमंत्री प्रवीण भोसले म्हणाले, श्री देव पाटेकर महाराजांच्या कृपेने आणि कुटुंबीयांच्या तसेच आपणा सर्वांच्या साथीने मी अमृत महोत्सवी वाटचाल करू शकलो. आपले आशीर्वाद हेच माझं भाग्य आहे जीवनामध्ये वाटचाल करताना माझ्यासमोर अनेक आदर्श होते माझे काका – वडील तसेच सावंतवाडी संस्थानचे राजे श्रीमंत शिवराम राजे भोसले, प्रा. मधु दंडवते, भाईसाहेब सावंत, जयानंद मठकर ,बापूसाहेब प्रभूगावकर असे अनेक आदर्श डोळ्यासमोर ठेवून मी वाटचाल केली. जनकल्याणचा श्रीदेव पाटेकर महाराजांचा संदेश बरोबर घेऊन मी माझे कार्य सुरू ठेवले माझ्या अमृत महोत्सवी सोहळ्याला उपस्थित राहिलेले आणि अनुपस्थित असलेल्या सर्वांचे मला आशीर्वाद लामले तसेच शरदचंद्रजी पवार साहेबांनी माझ्यावर आशीर्वाद रुपी प्रेम करून मला आमदार ,मंत्री होण्याची संधी दिली त्यामुळे माझी जीवनातील यशस्वी वाटचाल करू शकलो असे भोसले म्हणाले.
प्रवीण भोसले यांचे व्यक्तिमत्व ऋषितुल्य
माजी केंद्रीय कायदामंत्री रमाकांत खलप
देव पाटेकर महाराजांवर असलेले नितांत भक्ती आणि सतत पाटेकरांचे नाव मुखी असणारे प्रवीण भोसले यांचे व्यक्तिमत्व ऋषितुल्य आहे. आज मराठी जनतेचे नेते, कोकणचे नेते आणि प्रेमळ, मनमिळावू व्यक्तिमत्व असलेल्या प्रवीण भोसले यांचा ७५ वा अमृत महोत्सवी वाढदिवस साजरा होत आहे. या निमित्ताने त्यांचा करण्यात आलेला सत्कार हा व्यक्तीचा सत्कार नसून तुमच्या घराण्याचा सत्कार आहे. कित्येक वर्षांपूर्वीच्या तुमच्या वंशजांची परंपरा तुम्हाला लाभली आहे. सुभाषचंद्र बोस यांच्या आझाद हिंद सेनेत तुमचे काका जगन्नाथराव भोसले हे सेनापती होते. त्यांचा वारसा तुम्हाला लाभला आहे. तर खेड्यापाड्यातील गोरगरिबांचे विधानसभेत प्रतिनिधित्व करणाऱ्या आमदार प्रतापराव भोसले यांचे तूम्ही पुत्र असून त्यांचे आशीर्वाद तुमच्या मागे आहेत. आणि हा सत्कार या सर्वांचाच आहे. असे मत माजी केंद्रीय कायदामंत्री रमाकांत खलप यांनी सावंतवाडी येथे व्यक्त केले.
माजी राज्यमंत्री प्रवीण भोसले यांचा ७५ वा वाढदिवसाच्या निमित्ताने छत्रपती शिवाजी महाराजांच्या प्रतिमेला पुष्पहार अर्पण करू कार्यक्रमाला सुरुवात झाली. यावेळी केक कापून प्रवीण भोसले यांचा वाढदिवस साजरा करण्यात आला. तसेच सौ अर्चना घारे व महिलांनी ७५ दिव्यांनी ओवाळले.
मित्र मंडळ व कार्यकर्त्यांचे आभार मानताना प्रवीण भोसले म्हणाले, आपल्या सर्वांच्या कृपेने मी आज आयुष्याची 75 वर्षे पूर्ण केली. मला आशीर्वाद देण्यासाठी माझे राजकीय गुरु भाईसाहेब सावंत यांचे पुत्र विकास सावंत, सुप्रसिद्ध कायदातज्ञ ॲड. बाप्पा नार्वेकर यांचे पुत्र ॲड. दिलीप नार्वेकर, सावंतवाडी संस्थानचे राजे शिवरामराजे भोसले यांचे पुत्र खेमसावंत भोसले, माझे स्नेही रमाकांत भाई खलप, हे आशीर्वाद देण्यासाठी इथे उपस्थित आहेत हे माझे भाग्य आहे. तुम्ही 75 वा वाढदिवस साजरा करून सर्व जनतेचे आभार मानायला मला संधी दिली त्याबद्दल मी तुमचा आभारी आहे. राजे साहेबांचे नातू लखमराजे यांनी राजकारणात प्रवेश केला आहे. त्यांना मी शुभेच्छा व आशिर्वाद देतो. यापुढे राजकीय व्यक्तिमत्व म्हणून सावंतवाडी मतदारसंघातून राष्ट्रवादी शरद पवार गटाच्या महिला नेत्या सौ. अर्चना घारे या योग्य व्यक्ती असून त्यांच्याकडून भ्रष्टाचार होणार नाही याची ग्वाही मी देतो असे प्रवीण भोसले यावेळी म्हणाले.
कार्यक्रमाचे प्रास्ताविक सौ. अर्चना घारे परब यांनी केले. प्रवीण भोसले यांना शुभेच्छा देण्यासाठी जिल्ह्यातून तसेच गोवा, कोल्हापूर, पुणे येथून त्यांचा मित्रपरिवार उपस्थित होता. प्रवीण भोसले यांना शुभेच्छा देण्यासाठी लोकांची मोठ्या प्रमाणात गर्दी झाली होती. कार्यक्रमाचे सूत्रसंचालन देवयानी टेंमकर यांनी केले.
