मालवण,दि.२२ फेब्रुवारी
महाराष्ट्र इमारत व इतर बांधकाम कामगार कल्याणकारी मंडळांतर्गत जीवित नोंदीत बांधकाम कामगारांना गृहोपयोगी ३० भांड्याचा संच आम्ही मिळवून देतो असे सांगून सिंधुदुर्ग जिल्ह्यातील काही एजंट बांधकाम कामगारांचे अनधिकृतरित्या अर्ज भरून घेत असून बांधकाम कामगारांकडून पैशाचीही मागणी करत असल्याची माहिती मिळाल्यानंतर, याबाबत सरकारी कामगार अधिकारी तथा सहाय्यक कामगार आयुक्त यांच्याशी संपर्क साधला असता त्यांनी अशाप्रकारचे कोणतेही आदेश देण्यात आलेले नसल्याचे सांगून जर कोणी एजंट जर कामगारांची दिशाभूल करून अर्ज भरून घेत असतील व कामगारांची फसवणूक करत असतील तर त्यांच्यावर कड़क कायदेशीर कारवाई करण्यात येईल असे आश्वासन भारतीय मजदूर संघाच्या पदाधिकाऱ्यांना दिल्याची माहिती कार्याध्यक्ष श्री. भगवान साटम यांनी दिली.
महाराष्ट्र इमारत व इतर बांधकाम कामगार कल्याणकारी मंडळांतर्गत जीवित नोंदीत बांधकाम कामगारांना गृहोपयोगी ३० भांड्याचा संच आम्ही मिळवून देतो असे सांगून सिंधुदुर्ग जिल्ह्यातील काही एजंट बांधकाम कामगारांचे अनधिकृतरित्या अर्ज भरून घेत असल्याची माहिती मिळाल्याने याबाबत वस्तुस्थिती जाणून घेण्यासाठी भारतीय मजदूर संघाच्या पदाधिकाऱ्यांनी सरकारी कामगार अधिकारी तथा सहाय्यक कामगार आयुक्त श्री संदेश आयरे यांची सिंधदुर्ग मुख्यालय येथे भेट घेऊन याबाबतची वस्तुस्थिती जाणून घेतली
महाराष्ट्र इमारत व इतर बांधकाम कामगार कल्याणकारी मंडळांतर्गत महाराष्ट्र राज्यात सुमारे १० लाख बांधकाम कामगार नोंदीत असून, सदर बांधकाम कामगारांना गृहउपयोगी ३० भांड्यांचा संच देण्याबाबत महाराष्ट्र शासन व बांधकाम मंडळ यांच्याकडून जादेश काढण्यात आला आहे व महाराष्ट्रातील काही जिल्ह्यांमध्ये गृहपयोगी वस्तु संचाचे बांधकाम कामगारांना वाटपही सुरु करण्यात आले आहे. या वस्तु संचामध्ये ताट, लाठ्या, पाण्याचे ग्लास, पातेल, चमचा, पाण्याचा जग, डबा, परात, प्रेशर कुकर कढई व स्टीलची मोठी टाकी आदी प्रकारच्या वस्तू वाटप होणार आहेत. सदर वस्तू बांधकाम कामगारांना वाटप होण्या अगोदरच काही एजंट कार्यरत झाले असून कामगारांकडून चुकीच्या पद्धतीने अर्ज तयार करून भरून घेत आहेत व कामगारांकडे पैशाचीही मागणी करत असल्याची माहिती भारतीय मजदूर संघास मिळाल्यानंतर सरकारी कामगार अधिकारी तथा सहाय्यक कामगार आयुक्त पी. संदेश आयरे यांची सिंधदुर्ग मुख्यालय येथे भारतीय मजदूर संघाच्या पदाधिका-यानी भेट घेऊन चर्चा केली
यावेळी श्री. आयरे यांनी गृहउपयोगी वस्तू संच बांधकाम कामगारांना वाटप सुरु करण्यासंदर्भात या कार्यालयाकडून अद्याप आदेश देण्यात आलेले नाहीत. तसेच बांधकाम कामगारांकडून या संदर्भातले अर्ज भरून घेण्यासाठी या कार्यालयाकडून वितरीत करण्यात आलेले नाहीत किंवा प्राप्तही झालेले नाहीत असे सांगितले. अश्याप्रकारे कोणी अर्ज तयार करून बांधकाम कामगारांची दिशाभूल करत असण्यास संबंधितांवर कडक कायदेशीर कारवाई करण्यात येणार असल्याचे सांगितले. याबाबत जिल्ह्यातील बांधकाम कामगारांना मिळणारा गृहउपयोगी ३० भांड्यांचा संच हा पूर्णतः मोफत वाटप करण्यात येणार आहे. कोणी एजंट बांधकाम कामगारांकडून चुकीचे अर्ज भरून घेत असल्यास व पैशाची मागणी करत असल्यास थेट भारतीय मजदूर संघाशी व सरकारी कामगार अधिकारी
कार्यालयाशी संपर्क साधण्याचे आवाहन कार्याध्यक्ष श्री. भगवान साटम यांनी केले आहे.
