सावंतवाडी दि.१ मार्च
माजगाव पंचक्रोशी मनविकास ग्रंथालय तर्फे घेण्यात आलेल्या निबंध, वकृत्व, हस्ताक्षर अशा स्पर्धा घेण्यात आल्या होत्या निबंध स्पर्धेत प्रथम प्रिया सुतार ,वकृत्व स्पर्धेत तनया कासार, रंगभरण स्पर्धा पारस गाड, हस्ताक्षर स्पर्धा नागराज कुरुमकर यांनी बक्षीस पटकावले
जिल्हा परिषद शाळा क्रमांक १ येथे बक्षीस वितरण समारंभ कार्यक्रम झाला. या कार्यक्रमाला प्रमुख पाहुणे म्हणून सरपंच डॉ सौ. अर्चना सावंत, कोकण मराठी साहित्य परिषदेचे तथा साहित्यिक लेखिका उषा परब, तालुका अध्यक्ष अँड संतोष सावंत, अँड नकुल पार्सेकर ,उपसरपंच संतोष वेजरे, ग्रंथालयाचे अध्यक्ष चंद्रकांत सावंत ,मीरा कासार ,एस बी सावंत ,आर के सावंत ,बी एस चौरे ,लोकेश कानसे, श्री गुंजाळ, सिद्धेश कानसे ,ग्रंथालय कर्मचारी मधु कुंभार, माया साळगावकर आदी उपस्थित होते
या निबंध स्पर्धेत द्वितीय रिद्धी दळवी, तृतीय सुजाता राट, उत्तेजनार्थ ऋतुजा निब्रे ,वकृत्व स्पर्धेत द्वितीय गितेश सुतार ,तृतीय प्राची गुरव, उत्तेजनार्थ पल्लवी गुरव ,रंगभरण स्पर्धा द्वितीय स्मिता चौरे, तृतीय सिया राणे, उत्तेजनार्थ पार्थ गावडे, हस्ताक्षर स्पर्धा द्वितीय त्रिशा शेटकर, तृतीय जानवी बागले, उत्तेजनार्थ ऊर्वी टकेकर यांना प्रमाणपत्र देऊन गौरवण्यात आले.
यावेळी बक्षीस वितरण साहित्यिका लेखिका उषा परब, डॉ अर्चना सावंत , अँड संतोष सावंत, अँड नकुल पार्सेकर यांच्या हस्ते करण्यात आले .यावेळी ग्रंथालयाचे अध्यक्ष चंद्रकांत सावंत यांनी ग्रंथालयामार्फत विविध स्पर्धा घेण्यात येत आहेत अशा स्पर्धांमध्ये गावातील सर्व प्राथमिक व हायस्कूलच्या विद्यार्थ्यांनी सहभाग घेतला अशा स्पर्धा गावातील दानशूर व्यक्तींच्या सहकार्याने घेतल्या जात आहेत आणि अशा स्पर्धा यापुढेही घेतल्या जातील श्लोक पठण बाबत त्यांनी उपक्रम राबविला असल्याचेही स्पष्ट केले यावेळी सूत्रसंचालन लोकेश कानसे यांनी केले
या वकृत्व स्पर्धेचे परीक्षण शीतल सावंत व सिद्धेश कानसे,निबंध परिक्षक म्हणून श्वेतल परब आणि शितल सावंत यांनी काम पाहिले यावेळी मोठ्या संख्येने विद्यार्थी पालक उपस्थित होते.
