केंद्र सरकारच्या नमो ११ सूत्री कार्यक्रमाअंतर्गत वागदे ग्रामसचिवालय मंजूर

आ.नितेश राणे यांच्या हस्ते ५ मार्चला होणार भूमीपूजन सोहळा

कणकवली दि.१ मार्च(भगवान लोके)

वागदे येथील नविन ग्रामपचायत इमारत बांधणे नमो ११ नमो ग्रामसचिवालय बांधणे अभियान अंतर्गत मंजूर झाले. महाराष्ट्र राज्यातील ७३ ग्रामपंचायती या अभियानात घेण्यात आल्या. सिंधुदुर्ग जिल्हयातून २ ग्रामपंचायतींचा या योजनेत समावेश करण्यात आला. त्यामध्ये कणकवली तालुक्यातील वागदे ग्रामसचिवालय आम.नितेश राणे यांच्या प्रयत्नातून मंजूर झाले आहे.या वागदे ग्रामसचिवालयाचे मंगळवार दिनांक ५ मार्च २०२४ रोजी सकाळी ११ वाजता भूमीपूजन सोहळा आयोजित करण्यात आला आहे.आम. नितेश राणे यांचे शुभहस्ते व गटविकास अधिकारी अरुण चव्हाण यांच्या उपस्थितीत होणार आहे,अशी माहिती सरपंच संदीप सावंत यांनी दिली.

वागदे ग्रामसचिवालय अंतर्गत ग्रामपंचायत कार्यालय, तलाठी कार्यालय, मंडळ अधिकारी, विद्युत वितरण कार्यालय, पोस्ट ऑफीस, बचत गट ग्रामसंघ कार्यालय इत्यादी कार्यालये एकत्रितरित्या होणार आहेत,त्यामुळे नागरिकांची गैरसोय दूर होणार आहे. जि. प. च्या माध्यमातून ८ गुंठे जागेची परवानगी घऊन सुसज्ज अशी इमारत उभी राहणार आहे,असे सरपंच सदीप रमाकांत सावंत यांनी सांगितले.