कणकवली दि .१ मार्च(भगवान लोके)
शाळकरी मुलीचा
विनयभंग केल्याप्रकरणी अटक करण्यात आलेला संशयित मारुती लक्ष्मण पवार (३२, रा. उबाळेचाळ, कणकवली) याला पुन्हा शुक्रवारी न्यायालयात हजर केले. त्याला न्यायालयीन कोठडी मिळाली आहे.
पीडित मुलीच्या तक्रारीनुसार ही घटना दीड महिन्यापूर्वी घडली होती. मुलीने मंगळवारी कणकवली पोलिस ठाण्यात तक्रार दिली होती.त्यानंतर पोलिसांनी चौकशी करून संशयितास अटक केली होती. त्याला न्यायालयात हजर केल्यावर पोलिस कोठडी मिळाली होती.ती मुदत संपल्याने त्याला शुक्रवारी पुन्हा न्यायालयात हजर करण्यात आले. या घटनेचा अधिक तपास पोलीस उपनिरीक्षक वृषाली बरगे करीत आहेत.