कणकवली,दि.१३ मार्च(भगवान लोके)
कणकवली येथील “लावण्यसिंधू लोककला व चित्रपट सहकारी संस्था आणि सिंधुरत्न फाउंडेशन यांच्या संयुक्त विद्यमाने महिला दिन कार्यक्रम उत्साहात पार पडला.यावेळी कणकवलीतील व्यावसायिक तथा खादी ग्रामोद्योगच्या व्हाईस चेअरमन सौ. शितल सावंत यांचा सत्कार चित्रपट अभिनेत्री सौ.अक्षता कांबळी यांच्या शुभहस्ते करण्यात आला.
यावेळी व्यासपीठावर लावण्यसिंधू संस्थेचे अध्यक्ष चंद्रशेखर उपरकर,संचालिका प्रांजल पराडकर, संतोष सावंत,पोलीस स्टेशन समुपदेशक रोझा खडपकर,रिया सांगेलकर उपस्थित होत्या.
८ मार्च रोजी जागतिक महिला दिन गेली काही वर्षे लावण्यसिंधू संस्थेतर्फे साजरा केला जातो.यानिमित्ताने महिलांना मार्गदर्शन करण्यासाठी खास उपस्थित असलेल्या कणकवली पोलीस स्टेशन येथील समुपदेशक रोजा अभय खडपकर,रिया सांगेलकर यांनी उपस्थित महिलांना कौटुंबिक तंटे स्मुपदेशाद्वारे कसे सोडविले जातात याबाबत मार्गदर्शन केले.
शितल सावंत म्हणाल्या,अनेक वर्षे खडतर मेहनत घेऊन मराठी चित्रपट अभिनेत्री म्हणून नाव कमावलेल्या सौ.अक्षता कांबळी या माझ्या मैत्रिणीकडून आपला सत्कार होत असल्याने मला ही कौटुंबिक मायेची थाप मिळत असल्याचा आनंद होत आहे.सौ .खडपकर व सौ. सांगेलकर यांनी दिलेल्या सहकार्याबद्दल त्यांना संस्थेतर्फे सन्मानचिन्ह,शाल व श्रीफळ देऊन सत्कार करण्यात आला.शेवटी सौ.प्रांजल पराडकर यांनी सर्वांचे आभार मानले.