माजी आम. राजन तेली यांची उपमुख्यमंत्री एकनाथ शिंदे यांचेकडे मागणी!
देवगड,दि.२८ ऑक्टोबर
देवगड जामसंडे नगरपंचायतीच्या प्रारूप विकास आराखड्याबाबत हरकती सादर करण्यास मुदतवाढ देण्यात यावी अशी मागणी महाराष्ट्र विधान परिषदेचे माजी सदस्य राजन तेली यांनी मुख्यमंत्री उपमुख्यमंत्री तथा नगर विकास मंत्री आणि गृहनिर्माण मंत्री नाम.एकनाथ शिंदे यांचे कडे लेखी पत्रा द्वारे केली आहे या या पत्रात नमूद केल्याप्रमाणे देवगड जामसांडे नगरपंचायतीच्या प्रारूप विकास आराखड्याबाबत स्थानिक नागरिकांकडून मोठ्या प्रमाणावर हरकती आणि सूचना प्राप्त होत आहेत. आराखड्याच्या नकाशा सर्वसामान्य नागरिकांना समजण्यासाठी क्लिष्ठ असून त्यात नमूद केलेले सर्वे क्रमांक हिस्सा क्रमांक आणि गट क्रमांक स्पष्ट नमूद झाल्यामुळे नागरिकांना त्यांच्या मालमत्तेचा समावेश कोणत्या स्वरूपात झाला आहे हे समजण्यास अडचणी येत आहेत. तसेच आराखड्याच्या संदर्भातील आवश्यक कागदपत्रांचा अभ्यास करण्यासाठी आणि हरकती सादर करण्यासाठी नागरिकांना पुरेसा वेळ उपलब्ध नसल्यामुळे अनेकांना त्यांच्या हरकती वेळेस सादर करता आलेल्या नाहीत. वरील सर्व बाबींचा विचार करता देवगड जामसांडे नगरपंचायतीच्या प्रारुप विकास आराखड्याबाबत स्थानिक नागरिकांना किमान ३० दिवसांचे मुदतवाढ देण्यात यावी. अशी मागणी केली यांनी केली असून या कालावधीत नगरपंचायत स्तरावर व जनजागृती व समुपदेशन बैठका घेऊन नागरिकांकडून मिळाल्या हरकती आणि सूचना एकत्रित करून नगर रचना विभागात सादर केल्या जातील असेही नमूद केले आहे.या पत्रावर उचित पुढील कार्यवाही करावी असे उपमुख्यमंत्री यांनी शिफारस केली आहे.
